من انااقتراح .. لدولة الدكتور عبدالله النسور .. وبمون عالشعب
اقترح على دولة الدكتور عبدالله النسور ... وبمون على الشعب كله ... مايلي:
:
السؤال انو دولتك تريد تخفيض الدعم الحكومي ليذهب الدعم لمستحقيه ؟؟ ما رح نختلف ...
ودولتك تريد سد العجز ؟ تمام التمام ... واحنا معاك ...
:
الاقتراح كالتالي:
1- اوقف جميع الرواتب .. حلو ؟ انت خليك معي لا تعصب يادولتك .
وبتعمل االتالي:
- تكفل بسداد اجار المنازل المستأجرة للعائلات الاردنية وحسب عقد الايجار .. يا دولتك .. مجنون يحكي وعاقل يسمع صبرك بالله ....
- وما في رسوم على الجامعات للطلاب الاردنيين .. ... خليني اكمل ...
- وبتصرف لكل شخص عنده سيارة كوبون بنزين 120 دينار... وما في ترخيص للسيارات اللي عمرها اقل من 9 سنوات و3 اشهر ... لألألألأ انت ما بدك تتناقش يا دولتك خليني اكمل مش نقاش ؟,,
- وبتصرف لكل فرد 50 دينار اكل وشرب .. و25 دينار لباس .. و12 دينار للأحذيه (مرتين بالسنه )...
- والمي والكهربا انت بتحاسب عنهم ... تمام .. يا سيدنا امشي معي خدني على قد عقلي ... الله اكبر
- وبتصرف لكل عيله 120 دينار بدل روحه للعقبه مرة بالسنه لأهل عمان والشمال .. 125 دينار لأهل الجنوب 5 دنانيير زياده كونهم من جيوب الفقر .. مشان يروحو طشه للشمال وبرضو مرة بالسنه ... حلو الكلام ..
- واللي بدو يجوز بتعطيه 2000 دينار نقوط للمرو الاولى ... واذا اجوز مرة تانية بتنقطو الحكومة طقم فناجين قهوة لون ذهبي صناعه صينيه ... انا في هاي واقف معك ها اا .. مش تحكي .. ولا كلمة..
- والتامين الصحي ببلاش .. شو بدك الشعب يموت ... ما في كلام ..
- و 12 دينار عينيه .... لأداء الواجبات والمناسبات العائليه ... حلو ... يا اخي انت اسمع خليني اكمل .. ول ول
- وللي ماعنده سيارة يركب بالمواصلات ببلاش .... اه ببلاش شو نعمل يعني
- وافصل النت من البلد كلها اللي معه يدفع ...واللي ما معه لا يستخدمه ... لا تحكي انا في هاي برضو معاك ...
وللمدخنين 13 سيجارة لكل واحد باليوم ... واللي بأرجل 7 مرات بالشهر وبترتيب مع المقاهي ...
وبتصرف للأطفال دينارين بكل عيد .. اتفقنا اه طبعا شو لعاد بدك الاولاد ما يلعبو يعني... ويصيرو معنفيين .. وينحرفو ... وبعدين يكبرو ويصيرو معارضيين .. احكي اشوف
:
:
وسلامتك
لا تحكي خطة محكمة الاشياء .... والله حي الشباب .. والله حي بعضنا بس ...
اضافة تعليق