من اناصاحب محل ب وسط البلد !!!
صاحب محل ب وسط البلد !!!
أحمد خليفات
وعندما جلست مع ذلك الرجل الذي بدا بنهاية الاربعينيات من عمره طويل القامه .. ضعيف العقل .. منهزم البسمه .. قائد للفشل .. بدأ بالشكوى ..هو فقط بدأ بالشكوى .. هو بس بدو يشكي
:
والله ما استفتحت بشي من الصبح وانا فاتح المحل ..بوسط البلد .. بنهاية سوق الحميديه .. محل صغير يادوب عقد الحال .. والله ما هو ألي ياعم والله الحج استأجرو من الثمانينات ولغاية الان بالف وخمسمية ليره ... بالسنه .. وانا قاعد فيه
::
::
انا بحكي بعقلي
يا رجل خليني اسأل اعطيني فرصه طيب اسأل .. يخرب فنك .. فن .. ول قسما ما سكت .. وازا بدك تحاول تعلق او تسأل او تحكي .. بدك تكون مسجل بنادي الرماية الملكي .. وتصوب وتسأل بالوقت اللي بوخد نفس فيه ... وهو وقت لا ينعدى 0.009 من الثانيه وما بضمنلك تسأل كمان.
:
نرجع للزلمه
يكمل...
يا عمي الاوضاع مش زي الاول .. شو هالحكي مش زي الاول ..ايه كلام فاضي . شو هساع الواحد من الصبح ولغاية الان يدوب يجيب اكمن ليرة ازا باعلو 3 - 4 بيعات .. وخسران كمان . والله يا عمي خسران ... شو هالحكي خسران..
وانا بحكي بعقلي .... يازلمه ارحم اهلي .. عرفنا خسرااااااان لازم تشكلي اياها .. يعني ب 3 طرق .
:
نرجع للزلمه
بكمل..
يعني فكرك محل بهيك مكان شو بدو يجيب .. ما بجيب اشي .. يا عمي البسطات هلكونا والله هلكونا .. بتلاقي اكمن واحد ازعر جابلو خشبه واشترالو اكمن قطعة ملابس وحطهن وبلش يبيع وبخساره كمان .. مشان يجيبلو بكيت (مربورو) (وبطاقه ام 3) مشان يحكي مع وحده زي شكلو..
والله ياعمي قطعو رزقنا هالبسطات .. والامانه مش عامله اشي وسط البلد خرب يا عمي .. اه والله خرب
وأنا بحكي بعقلي فعلا والله .. الله يعينو .. عن جد صحاب البسطات خربو عليهم بالسعر وفرق كبير.
:
نرجع للزلمه
بكمل ..
والله لولا تبعون البسطات -الع...الق..محذوف- احنا بخير .. الله لا يوفقهم .. الله يخلصنا منهم اللي خربو وسط البلد بس ما رح نشوف خيرطول ما همه بالشوارع ومسكرين حتى الدخلات ..اي كبف الزبون بدو يفوت ...وأصلا ليش يفوت ..اي مهو الزبون بشتري نفس القطعه من البسطه بفرق دينارين ولا 3 ليرات ...الله بعين ...
ويكمل الزلمه
والله المحل يادوب جايب همه ... اي والله هيني مروح هساع من ماركا الشماليه ...
وعلى الفور اقتنصت الفرصه ...وسألت شو بتعمل هناك مش محلك بوسط البلد ؟؟؟؟!!!
اه محلي بوسط البلد
:
بس لميت البضاعه من البسطات اللي فاتحهم من ماركا الشماليه ..
عندي 3 بسطات قبال مطعم الياسمين هناك .. شو بدنا نعمل بدنا نسترزق ....
:
شوفو الناس يا عالم ... ومن الصبح ش.... عر .. صحاب البسطات وهلكني وهو بحكي عن البسطات .....وطلع عنده بالاخر 3 بسطات بس مش بوسط البلد ... انتو مركزين مش بوسط البلد .. يعني اعتراض الزلمه محدد وواضح .. بسطات بوسط البلد ما لازم يكون
والله عالم بسطات ...صحيح
اضافة تعليق